काठमाडौँ । अमेरिकी उप–सहायक विदेशमन्त्री अफरीन अख्तर नेपाल आएकी छन् । उनी सोमबार काठमाडौं आएकी हुन् ।
उप–सहायक विदेशमन्त्री अख्तरको भ्रमणका क्रममा नेपाली साझेदारहरूका साथै नेपाली सेना र सरकारी अधिकारीहरूसँग भेट गर्ने कार्यक्रम रहेको काठमाडौंस्थित अमेरिकी दूतावासले जनाएको छ ।
त्यस्नै उनले जलवायु परिवर्तन, स्वच्छ ऊर्जा, मानवीय सहायता तथा विपद् प्रतिकार्यका विषयमा अनि लोकतन्त्र, मानव अधिकार तथा पारस्परिक आर्थिक समृद्धिलाई अगाडि बढाउने विषयमा छलफल गर्ने दूतावासले जनाएको छ ।
