बिर्तामोड । झापाको बिर्तामोडका किसानले अण्डा र कुखुरा सडकमा फालेर विरोध जनाएका छन् । मंगलबार बिर्तामोडको मुक्ति चोकमा किसानहरुले एकसय भन्दाबढी कुखुरा र अण्डा सडकमा फालेर विरोध प्रदर्शन गरेका हुन् ।
आफ्नो उत्पादनले बजार नपाएको भन्दै उनीहरुले सडकमा कुखुरा र अण्डा फालेर प्रदर्शन गरेका हुन् । झापका कुखुरा पालक किसानले भारतबाट कुखुरा तस्करी बन्द गर्नुपर्ने माग गर्दै केही दिन अघि प्रशासनको ध्यानाकर्षण गराएका थिए ।
तर तस्करी नरोकिएको र आफूहरुको उत्पादनले बजार नपाएपछि बाध्य भएर सडकमा आउनुपरेको किसानले बताएका छन् ।
त्यस्तै उनीहरुले बैंकको भारी ऋण ब्याजदरका कारण कृषकलेहरुले आत्माहत्या गर्नुपर्ने स्थिति आएको भन्दै प्रदर्शन गरेका थिए । केही दिनअघि चितवनका किसानले भारतीय तरकारीका किसानले आफ्नो उत्पादनले बजार नपाएको भन्दै सडकमा तरकारी फालेर विरोध जनाएका थिए ।
