काठमाडौँ । घनश्याम भुसाल नेकपा एकीकृत समाजवादी प्रवेश गर्ने भएका छन् ।
भुसाल भोलि (शुक्रबार) एक कार्यक्रमकाबीच नेकपा एस प्रवेश गर्न लागेका हुन् । भुसाललाई स्वागत गर्न नयाँ बानेश्वरस्थित होटल अर्यालमा कार्यक्रम गरिँदैछ ।
नेकपा एसका अध्यक्ष माधवकुमार नेपालले उनलाई शुक्रबार पार्टीमा स्वागत गर्ने कार्यक्रम छ । तर, कुन पद भन्ने विषयमा भने टुंगो लागिसकेको छैन ।
एमालेबाट निर्वाचन टिकट नपाएपछि भुसालले रुपन्देहीमा स्वतन्त्र उम्मेदवार दिएर संघीय निर्वाचन लडेका थिए । तर, उनी पराजित भएका थिए ।
