धनगढी । भारतमा मजदूरी गर्न गएका तीन नेपालीको कोठामा निसासिएर मृत्यु भएको छ । मजदुरी गर्न भारत गएका तीन जनाको कोठामा सुतिरहेको अवस्थामा मृत्यु भएको हो।
भारतको उत्तरप्रदेशको मेरठमा डोटीको बडिकेदार गाउँपालिका वडा नम्बर ५ लाना घर भई हाल कैलालीको गौरिगंगा नगरपालिका वडा नम्बर १ गोप्काका तीन जनाको मृत्यु भएको हो ।
कामका लागि भारतको मेरठमा श्रम गर्दै आएका भुलको परिवार कोठामा कोइला बालेर सुतिरहेका थिए मृत्यु हुनेमा चन्ने भुल, उनकी श्रीमती कुमारी भुल र दुई वर्षकी छोरीको मृत्यु भएको आफन्त गोपी भुलले जानकारी दिए । मृतकको घरमा दुई छोरी र एक छोरा छन् ।
