काठमाडौँ । पृथ्वीजयन्तीको अवसरमा राष्ट्रिय प्रजातन्त्र पार्टी (राप्रपा) ले आज (बुधबार) भृकुटीमण्डपमा चियापान कार्यक्रम आयोजना गर्दैछ ।
राप्रपाका अध्यक्ष राजेन्द्र लिङ्देनले चियापानका लागि राजनीतिक दलका नेता तथा सांसदलाई निमन्त्रणा गरेका छन् । चियापानमा सहभागिताका लागि पार्टीले औपचारिक रूपमा निमन्त्रणा पठाएको छ ।
मंगलबार प्रतिनिधिसभा बैठकमा पनि अध्यक्ष लिङ्देनले ‘रोष्ट्रम’बाटै चियापानमा उपस्थितिका लागि आग्रह गरेका थिए । आज पृथ्वीनारायण शाहको ३०१ औँ जन्मजयन्ती एवं राष्ट्रिय एकता दिवसको अवसरमा सरकारले देशभर सार्वजकि विदा दिएको छ ।
