काठमाडौँ । नेपाल टी-२० लिग अन्तर्गत आज भएको पहिलो खेलमा पोखरा एभेन्जर्सले काठमाडौं नाइटराइडर्समाथि विजय प्राप्त गरेको छ। त्रिभुवन अन्तर्राष्ट्रिय क्रिकेट मैदानमा भएको खेलमा पोखराले टस जितेर पहिला बलिङ् रोजेको थियो।
काठमाडौंले निर्धारित २० ओभरमा ४ विकेट गुमाउँदै १६४ रन जोड्दै १६५ रनको लक्ष्य दिएको थियो। जवाफी ब्याटिङ्मा उत्रेको पोखराले १९.४ ओभरमा ५ विकेट गुमाउँदै १६८ रन जोड्यो।
काठमाडौंका लागि एलेक्स ब्लाकेले सर्वाधिक २८ बलमा ६४ रन जोडे। त्यस्तै सुमन गौतमले ४२ बलको सामना गर्दै ४५ रन जोडे। यस्तै पोखराका लागि सुमित महर्जनले ५२ बलमा ७६ रन जोड्दा पोखराकै उपसल थरङ्गाले ४९ बलको सामना गर्दै ५८ रन जोडे।
आजै हुने अर्को खेलमा फार वेस्ट युनाइटेड र जनकपुर रोयल्स भिड्दै छन्। यी दुई टोलीको खेल दिउँसो १:१५ बजेदेखि सुरु हुनेछ।
