दोलखा । दोलखाको प्रदेश सभा १(१) मा नेपाली कांग्रेसका केन्द्रीय सदस्य कुन्दनराज काफ्ले निर्वाचित भएका छन् । नेकपा एमालेका नरबहादुर श्रेष्ठलाई सात हजार ८७५ मतान्तरले पछि पार्दै काफ्ले निर्वाचित भएका हुन् । काफ्लेले २३ हजार ३५६ मत पाएका छन् भने श्रेष्ठले १५ हजार ३५६ मत प्राप्त गरेका छन् ।
२०५१ को मध्यावधि निर्वाचनपछि कांग्रेसले उक्त क्षेत्रमा जित हासिल गर्न सकेको थिए । कांग्रेसका भीमबहादुर तामाङले मध्यावधि जितेपछि पहिलोपटक कांग्रेस उम्मेदवार उक्त क्षेत्रमा विजयी भएको हो। २८ वर्षपछि कांग्रेसले वामपन्थी किल्ला तोडेको हो। मध्यावधि पछि पनि उक्त क्षेत्रमा वामपन्थी दल नै विजयी हुँदै आएका छन् ।
