उत्तरी वेस्ट बैंक शहर जेनिनमा इजरायली सेनासँगको गोली हानाहानमा बिहीबार बिहान तीन प्यालेस्टाइनी लडाकूको मृत्यु भएको प्यालेस्टिनीले जनाएको छ ।
प्यालेस्टिनी स्वास्थ्य मन्त्रालय प्रेस विज्ञप्ति जारी गर्दै इजरायली सेनाले तीन प्यालेस्टाइनीको गोली हानी हत्या गरेको र एकजना गम्भीर घाइते भएको जनाएको छ। तर स्थानीय र सुरक्षा स्रोतहरूले इजरायली सेनाले शहरको मुख्य चौकमा आक्रमण गरी तीन प्यालेस्टाइनी लडाकूहरू तारिक अल-दमेज, सिद्दकी जकार्नेह र अत्ता शालाबीलाई मारेको जनाएको छ ।
घटनापछि थुप्रै प्यालेस्टाइनी लडाकुहरू र इजरायली सैनिकहरू बीच व्यापक गोली हानहान भएको जनाएका छन् । तीन प्यालेस्टाइनी लडाकुको हत्याको विरोधमा शहरमा प्यालेस्टिनी गुटहरूले शोक घोषणा गरेका छन्। आधिकारिक तथ्याङ्कले जनवरीदेखि गाजा पट्टीमा २१३ प्यालेस्टाइनी मारिएको देखाएको छ। अधिकांश प्यालेस्टिनीहरू उत्तरी वेस्ट बैंक शहर जेनिन र नाब्लसमा मारिएको जनाइएको छ ।
