काठमाडाैँ । नेपालमा थप ६ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा १३ सय ८८ जनाको नमूना परीक्षण गर्दा ६ जनामा कोरोना पुष्टि भएको हाे । चार सय ५४ नमूनाको आरटिपिसिआर विधि र बाँकी नौ सय ३४ नमूनाको एन्टीजेन विधिबाट परीक्षण गरिएको थियो ।
मन्त्रालयका अनुसार यस अवधिमा १९ जना कोरोना संक्रमणमुक्त भएका छन् । हाल नेपालमा एक सय आठ जना संक्रिय संक्रमित रहेका छन् ।
