बनेपा । काभ्रेको बेथानचोकमा बस दुर्घटना हुँदा कम्तिमा १७ जनाको मृत्यु भएको छ । बेथानचोक गाउँपालिका–४ स्थित चलाल गणेशस्थानको सल्लाफेद भन्ने ठाउँमा बा ३ ख ४३८५ नम्बरको बस मंगलबार साँझ दुर्घटना भएको हो ।
जिल्ला प्रहरी कार्यालयका प्रहरी नायव उपरीक्षक रेशम बोहोराले १७ जनाको मृत्यु भएको जानकारी दिएका छन् । मृतकको पहिचान भएको भने भएको छैन । घाइतेहरुको शिर मेमोरियल र धुलिखेल अस्पतालमा उपचार भइरहेको छ ।
बनेपा नगरपालिका वडा नम्बर ११ बाट ब्रतबन्धका लागि गाउँपालिकाको वडा नम्बर ५ स्थित च्याल्टी पुगेर फर्किँदै गरेको रिजर्भ बस दुर्घटनामा परेको हो ।
