मकवानपुर । धरानचतरा सडकखण्डअन्तर्गत मकवानपुर बकैयामा भएको सवारी दुर्घटनामा एक जनाको ज्यान गएको छ भने तीन जना घाइते भएका छन् ।
शुक्रबार बिहान बकैया–५ तिनतलेमा हेटौंडाबाट फापरबारीतर्फ जाँदै गरेको ना.२२ प ९९७७ नम्बरको मोटरसाइकललाई सोही दिशातर्फ जाँदै गरेको ना. ७ ख १३५२ नम्बरको सिमेन्ट बोकेको ट्रकले ठक्कर दिँदा दुर्घटना भएको हो ।
दुर्घटनामा मोटरसाइकल चालक हेटौंडा–१८, फुर्केचौरका ३० वर्षीय विक्रम भोम्जनको उपचारको क्रममा मृत्यु भएको हो । ट्रक चालक बारा निजगढ–९ का २५ बर्षीय सूर्यबहादुर घिमिरे, मोटरसाइकलमा सवार हेटौंडा–१८ का ४० वर्षीया हिमाया लोप्चन र ट्रकमा सवार एक जना हालसम्म हाल नाम थर नखुलेको करिब २५ वर्षीय पुरुष घाइते भएको जिल्ला प्रहरी कार्यालय मकवानपुरले जनाएको छ ।
