किमाथाङ्का । सङ्खुवासभाबाट प्रदेशसभा (१) मा नेकपा माओवादी केन्द्रका राजेन्द्र कार्की (नवीन) निर्वाचित भएका छन् । उनी १३ हजार चार सय ३३ मत ल्याएर निर्वाचित भएको साहयक निर्वाचन अधिकृत डा इन्द्र सापकोटाले जानकारी दिए ।
उनका निकटतम प्रतिस्पर्धी नेकपा एमालेका भविश्वर गुरुङले १३ हजार तीन सय ९९ मत पाएका छन् । गुरुङलाई माओवादीका कार्कीले ३४ मतान्तरले पारजित गरेका हुन् ।
पाँच गाउँपालिका र एक नगरपालिका रहेको प्रदेशसभा (१) मा ३१ हजार पाँच सय चार मत खसेको थियो । प्रतिनिधिसभातर्फ एक र प्रदेशसभातर्फ दुई क्षेत्र रहेका सङ्खुवासभामा प्रतिनिधिसभा र प्रदेशसभा (२) को मतगणना जारी छ ।
