काठमाडौँ । संस्कृति, पर्यटन तथा नागरिक उड्डयनमन्त्री जीवनराम श्रेष्ठले गायक कृष्ण विकको दोस्रो गीत ‘रानी माया’ सार्वजनिक गरेका छन् । सो अवसरमा उgले गीतसङ्गीतमार्फत पर्यटनलाई प्रवद्र्धन गर्न आग्रह गरे ।
‘यो भिडियोमा खिचिएको दृश्य आकर्षक छन् । यसले पर्यटन बढाउन मदत गर्ने विश्वास छ’, मन्त्री श्रेष्ठले भने, ‘युवापुस्ताले नेपाली पर्यटनसँगै कला, संस्कृतिलाई आफ्नो माध्यमबाट अगाडि बढाउनुपर्छ । यहिँ कारण चुनावी चटारोकैबीच कार्यक्रममा सहभागी भएको हुँ ।’
अभिनेता राजेश हमालले गीतको भिडियो विना सम्झौता निर्माण गरिएको भन्दै प्रशंसा गरे ।
गायनमा गायक विकलाई समीक्षा अधिकारीले साथ दिएकी छन् । यसमा श्रीकृष्ण बम मल्लको शब्द र कृष्ण विकको एरेञ्ज र सङ्गीत रहेको छ । भिडियोमा सामान्य युवा र राजकुमारी बीचको प्रेमलाई देखाइएको छ ।
भिडियोमा बोनिका कार्की एण्ड रित खड्काको कस्ट्युम डिजाइन, मनोज श्रेष्ठको भिएफएक्स, रेनिश फागोको रङ संयोजन, कविराज गहतराजको नृत्य निर्देशन, संजय लामाको छायाङ्कन, बनिश शाहको सम्पादन र जीबी आग्रीको निर्देशन रहेको छ ।
