काठमाडौँ । पाकिस्तानसँगको खेलका लागि नेपाली राष्ट्रिय टिमको घोषणा भएको छ । पाकिस्तानसँगको मैत्रीपूर्ण खेलका लागि नेपाली टिमको जिम्मेवारी पाएका प्रवेश कटुवालले शुक्रबार घोषणा गरेको २३ सदस्यीय टिममा कप्तान किरण चेम्जोङलाई बाहिर राख्दा नवयुग श्रेष्ठले भने पुनरागमन गरेका छन् ।
यसअघि असोज ११ गते दशरथ रंगशालामा भएको बंगलादेशविरुद्धको खेलमा नवयुग टिममा अटाएका थिएनन् । मैत्रीपूर्ण खेलका लागि किरणले नेपाल आउने चाहना देखाए पनि व्यस्त तालिकाका कारण उनलाई राष्ट्रिय टिमबाट बाहिर राखिएको नेपाली टिमका प्रशिक्षक कटुवालले बताए ।
राउन्डग्लास पञ्जाबमा आबद्ध किरण आई लिगका लागि हाल भारतमा छन् । यो खेलका लागि अखिल नेपाल फुटबल संघ (एन्फा) ले टिकट मूल्य पनि तोकिसकेको छ । एन्फाले साधारण प्यारापिटको पाँच सय र भीआईपीको एक हजार तथा भीभीआईपीको लागि ५ हजार रुपैयाँ तोकेको छ ।खेल कात्तिक ३० गते दशरथ रंगाशालामा हुँदैछ ।
नेपाली टिम
गोलकिपर: विशाल श्रेष्ठ, दीप कार्की, विकेश कुथु
रक्षक : रोहित चन्द, अनन्त तामाङ, विकास तामाङ, दीनेश राजवंशी, विकास खवास, गौतम श्रेष्ठ, निशान खड्का
मिडफिल्डर : तेज तामाङ, सेसेहाङ आङ्देम्बे, सुरजजिउ ठकुरी, पुजन उपरकोटी, एरिक विष्ट, आवास लामिछाने
फरवार्ड : अञ्जन विष्ट, विमल घर्तिमगर, नवयुग श्रेष्ठ, आयुश घलान, सुनिल बल, रितिक खड्का, सुजल श्रेष्ठ
