विराटनगर । प्रदेश १ का पूर्वमुख्यमन्त्री भीम आचार्य सुनसरी २ बाट प्रतिनिधिसभा सदस्यमा निर्वाचित भएका छन् ।
शनिबार बेलुका निर्वाचन आयोगले सार्वजनिक गरेको अन्तिम मतपरिणामअनुसार नेकपा एमालेका उम्मेदवार आचार्यले नेपाली कांग्रेसका सीताराम मेहतालाई पाँच हजार ९५६ मतान्तरले पराजित गरेका हुन् ।
आचार्यले ३२ हजार २४ मत प्राप्त गर्दै जित हात पारे भने बाम–लोकतान्त्रिक गठबन्धनका साझा उम्मेदवार मेहताले २६ हजार ६८ मत पाए ।
यसैगरी, तेस्रो बनेका राष्ट्रिय स्वतन्त्र पार्टीका लालबिक्रम थापा १९ हजार ३९१ मत पाए । गतवर्षको भदौ १० देखि कात्तिक १५ गतेसम्म उनले मुख्यमन्त्रीको भूमिकामा थिए । मेहता भने निवर्तमान संघीय सांसद हुन्।
