मस्को । रूसका राष्ट्रपति भ्लादिमिर पुटिनसँग जोडिएका र वासिङ्टन तथा युरोपेली मुलुकले प्रतिबन्ध लगाएका प्रभावशाली रूसी व्यवसायी येभगेनी प्रिगोजिनले अमेरिकी निर्वाचनमा हस्तक्षेप गरेको स्वीकार गरेका छन् ।
सोमबार ६१ वर्षीय प्रिगोजिनका भनाइ उद्धृत गर्दै ब्लुमबर्गले लेखेको छ, “सज्जनहरू, हामीले हस्तक्षेप ग¥यौँ, हामी हस्तक्षेप गरिरहेका छौं र हामी हस्तक्षेप गर्नेछौं ।” प्रिगोजिनले धेरै पश्चिमी देशहरूमा मतदानको परिणामलाई प्रभावित गर्न ‘ट्रोल फ्याक्ट्री’ चलाएको आरोप लगाइएको छ ।
प्रिगोजिनले ब्लुमबर्गको एक रिपोर्टमा रुसले अमेरिकी मध्यावधि चुनावमा हस्तक्षेप गरिरहेको भन्ने रिपोर्टमाथि टिप्पणी गर्न अनुरोध गरेका छन् ।
मध्यावधि निर्वाचनको पूर्वसन्ध्यामा प्रचारको अन्तिम दिन यो घोषणा प्रकाशित गरिएको थियो जसले अमेरिकी राष्ट्रपति जो बाइडनको बाँकी कार्यकाललाई आकार दिनेछ र यसले डोनाल्ड ट्रम्पद्वारा ह्वाइट हाउसमा पुनरागमनको लागि मार्ग प्रशस्त गर्न सक्छ ।
गत सेप्टेम्बरमा प्रिगोजिनले आफूले वाग्नर भाडाको समूह स्थापना गरेको पुष्टि गर्नुभएको थियो । समूहका सदस्यहरू युक्रेनमा मस्कोको आक्रमणमा अग्रपङ्क्तीमा थिए ।
उच्च–प्रोफाइलका व्यक्तिको यो घोषणालाई धेरै विश्लेषकहरूले प्रमाणको रूपमा व्याख्या गर्दै प्रिगोजिनले रूसमा सम्भावित राजनीतिक भूमिकाको खोजी गरिरहेको जनाएका छन् ।
वर्षौंदेखि, वाग्नर समूहले मस्कोको विदेशी महत्वाकांक्षालाई साकार पार्न भूमिका खेलेको शङ्का गरिएको थियो तर क्रेमलिनले कुनै पनि सम्बन्धलाई अस्वीकार गरेको थियो ।
सिरिया, लिबिया, माली र मध्य अफ्रिकी गणतन्त्रजस्ता द्वन्द्वग्रस्त क्षेत्रमा यसको उपस्थिति रहेको बताइएको छ । यसलाई राज्यसत्ताको दुरुपयोग र कब्जा गरेको आरोप लगाइएको छ ।
