काठमाडौँ । नेपालमा थप ८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लाे २४ घण्टामा देशभर गरिएको ६ सय १५ पिसिआर परिक्षणका क्रममा ६ जना र १ हजार ३७ एन्टीजेन परिक्षणका क्रममा २ जनामा कोरोना संक्रमण पुष्टि भएको हो ।
यस्तै पछिल्लाे २४ घण्टामा थप ३४ जना काराेना संक्रमणमुक्त भएका छन् । काेरोनाका कारण सोमबार कसैको पनि मृत्यु भएको छैन ।
हाल नेपालमा २ सय ३५ सक्रिय संक्रमित आइशोलेशनमा रहेको मन्त्रालयले जनाएको छ ।
