चितवन । चितवन क्षेत्र नम्बर २ का नेपाली काङ्ग्रेसका प्रतिनिधिसभा सदस्य उम्मेदवार उमेश श्रेष्ठको गाडीमा तोडफोड भएको छ ।
चुनावी प्रचारमा रहेका बेला भरतपुर महानगरपालिका– १० पुरानो मेडिकल कलेज नजिक बा ३ च २०५० नम्बर को गाडीमा तोडफोड भएको हो । घरदैलो गर्ने क्रममा पार्किङ गरिराखेको गाडीमा मोटरसाइकल चढेर आएका ६ जनाले इँटा प्रहार गरेका गाडीका चालक जितबहादुर रानाले बताए ।
गाडीको अगाडिको सिसामा क्षति पुगेको छ । उक्त गाडि अगाडि रहेको प्रदेश ३–०१– २४ च ९०६१ नम्बरको निसानको म्याग्नेट गाडीको सिसा पनि फुटाएका छन् । डीएसपी नरहरि अधिकारीले घटनाको छानबिन सुरु गरिएको जानकारी दिएका छन् ।
