तेह्रथुम । तेह्रथुममा नेकपा एमालेका विजय सुब्बालाई पराजित गर्दै नेपाली कांग्रेसकी नेतृ सीता गुरुङ प्रतिनिधिसभा सदस्यमा निर्वाचित भएकी छन् । गुरुङ १९ हजार ७ सय २ मत पाएर विजयी भएकी हुन् ।
उनका निकटतम प्रतिद्वन्द्वी एमाले उम्मेदवार सुब्बाले १८ हजार ६ सय २३ मत प्राप्त गरेका छन् । २०७४ को निर्वाचनमा हालका स्वास्थ्यमन्त्री भवानीप्रसाद खापुङसँग २ हजार २१ मतले पराजित गुरुङ दोस्रो प्रयासमा यस पटक विजयी भइन् । कांग्रेस केन्द्रीय सदस्य गुरुङ २०६४ र २०७० को संविधानसभा निर्वाचनपछि समानुपातिक सदस्य थिइन् ।
