काठमाडौँ । बुधबार नेपाली बजारमा सुनको मूल्य प्रतितोला पाँच सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज छापावाल सुन तोलामा पाँच सय रुपैयाँले बढ्दै ९३ हजार ६ सय रुपैयाँमा कारोबार भइरहेको छ । मंगलबार छापावाल सुन प्रतितोला ९३ हजार एक सय रुपैयाँमा कारोबार भएको थियो ।
आज तेजाबी सुनको मूल्य समेत तोलामा पाँच सय रुपैयाँले नै बढ्दै ९३ हजार एक सय रुपैयाँमा काराेबार भइरहेकाे महासंघको जनाएको छ ।
आज चाँदीको मूल्य पनि अघिल्लो दिनको मूल्यमा १० रुपैयाँले बढेर प्रतितोला एक हजार २२५ रुपैयाँमा कारोबार भइरहेको छ ।
