विराटनगर । सिरहाबाट अपहरणमा परेका एक युवकको शव विराटनगरको गेष्ट हाउसमा फेला परेको छ । मोरङ प्रहरी प्रमुख प्रहरी उपरीक्षक शान्तिराज कोइरालाका अनुसार विराटनगर बसपार्कस्थित अप्सरा गेष्ट हाउसमा १८ वर्षीय अंशु सदाको शव फेला परेको हो ।
शुक्रबार दिउँसो ती युवकको शव फेला परेपछि उनीसँगै बसेका तीन जनालाई नियन्त्रणमा लिइएको उनले जानकारी दिए । ‘असोज २६ गतेदेखि उनीहरू त्यो गेष्ट हाउसमा बसेको बुझिएको छ,’ कोइरालाले भने, ‘सिरहाको गोलबजारबाट युवालाई ल्याइएको थियो।’
ती युवकको हत्या भएको कोइरालाले बताए। यस सम्बन्धमा प्रहरीले अनुसन्धान गरिरहेको कोइरालाले बताए।
