काठमाडौँ । नेपाली बजारमा सोमबार सुनको मूल्य सामान्य बढेको छ।
नेपाल सुनचाँदी व्यवसायी महासंघका अनुसार आइतबारको तुलनामा सुनको मूल्य प्रतितोला २ सय रुपैयाँले बढेको हो । यससँगै छापावाल सुनको भाउ ९३ हजार ३ सय रुपैयाँ पुगेको छ ।आज तेजाबी सुनको मूल्य प्रतितोला ९२ हजार आठ सय रुपैयाँ रहेको छ।
चाँदीको मूल्य भने स्थिर रहेको छ। आइतबार प्रतितोला एक हजार १६० रुपैयाँमा कारोबार भएको चाँदी सोमबार पनि सोही मूल्यमा कारोबार भइरहेको महासंघले जनाएको छ।
