फिलिपिन्समा पछिल्लो एक दिनमा मात्र कोभिडबाट कम्तीमा पनि ३९ जनाको ज्यान गएको बताइएको छ । यहाँ शनिबार कोभिडबाट ३९ जनाको ज्यान गएको यहाँका स्वास्थ्य अधिकारीहरुले जानकारी दिएका छन् । अधिकारीहरुका अनुसार यहाँ कोभिडबाट शनिबार अघिको २४ घन्टामा मात्र दुई हजार एक सय ९७ जना सङ्क्रमित भएका थिए ।
दक्षिणपूर्वी एसियाली यो देशमा अहिलेसम्म कोभिडबाट ३९ लाख ६५ हजार भन्दा बढी व्यक्ति सङ्क्रमित भएका पाइएको छ । यहाँ अहिलेसम्म कोभिडबाट ६३ हजार दुई सय ३० जनाको ज्यान गएको पाइएको छ । साथै कोभिडबाट यहाँ २७ हजारभन्दा बढी सक्रिय सङ्क्रमित रहेका छन् ।
यस देशको मेट्रो मनिला सहरमा सबैभन्दा बढी मानिस प्रभावित भएका छन् । अहिले पछिल्लो समयमा फिलिपिन्समा कोभिडका संक्रमितहरु घट्दै गएका छन् ।
