भारतको नयाँ दिल्लीस्थित एक हिन्दू मन्दिरमा बलि चढाउनका लागि जिब्रो काटेपछि एक भारतीय किसानको अवस्था गम्भीर रहेको प्रहरीले जनाएको छ । भारतको उत्तरी राज्य उत्तर प्रदेशको प्रसिद्ध मन्दिरमा शनिबार ४० वर्षीया उनले खल्तिबाट छुरी निकाली जिब्रो काटेर एक्कासी देवीलाई चढाएका थिए । उक्त घटनाले दर्शनार्थीको भीडलाई आतङ्कित पारेको थियो ।
अनुसन्धान अधिकारी अभिलाष तिवारीले एएफपीसँग बताएअनुसार ती व्यक्ति र उनकी श्रीमतीले चक्कु निकालेर जिब्रो काटेर मन्दिरको ढोकामा राख्नुअघि पूजा अर्चना गरेका थिए । तिवारीले भने, “मन्दिरमा तैनाथ हाम्रा अधिकारीहरूले उनलाई अन्य भक्तजनहरूको सहयोगमा अस्पताल पु¥्याएका थिए । पत्नीले प्रहरीलाई बताएअनुसार उनका पतिले देवीलाई रिझाउन आफ्नो जिब्रो ‘बलि’ दिएका थिए तर यसको कारणबारे थप बताउन सकिनन् ।
आत्म–अङ्गभङ्ग र मानव बलिदान पनि भारतीयमा समस्याको रूपमा रहेको छ । भारतीयहरू कहिलेकाहीं देवताहरूलाई खुसी पार्न विचित्र कार्यहरू गर्दछ । गत वर्ष भारतका दुई राज्यमा २० वर्ष काटेका दुई पुरुषले जिब्रो काटेर देवतालाई चढाएका थिए । सन् २०२० मा एक हिन्दू पुजारीले एक स्थानीय किसानको टाउको काटेर बलिको रूपमा टाउको चढाएका थिए ।
