काठमाडौँ । पछिल्लो २४ घण्टामा नेपालमा थप २ सय २७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभर गरिएको १ हजार ५ सय १८ पिसिआर परीक्षणका क्रममा १ सय ३७ जना र २ हजार ८ सय ८३ एन्टीजेन परीक्षणका क्रममा ९० जनामा कोरोना संक्रमण पुष्टि भएको हो ।
यस्तै पछिल्लो २४ घण्टामा कोरोनाबाट थप १ जनाको मृत्यु भएको छ । बुधबार कोरोनाबाट दुईजनाले ज्यान गुमाएका थिए ।
यस्तै पछिल्लो २४ घण्टामा थप १६८ जना कोरोना संक्रमणमु्क्त भएका छन् ।
हाल सक्रिय संक्रमितको संख्या २४७३ रहेको छ ।
मन्त्रालयका अनुसार पछिल्लो २४ घण्टामा १ लाख ४३ हजार ५९५ जनाले कोरोनाविरुद्ध खोप लगाएका छन् ।
