काठमाडाैँ । नेपाली कांग्रेसका नेता प्रकाशमान सिंहले नाराले मात्रै विकासको सपना पूरा नहुने बताएका छन् । आज काठमाडौँको बुद्धनगरमा सामुदायिक भवन एवं सुवर्ण पार्क उद्घाटन गर्दै उनले मुलुकको विकासका सपना पूरा गर्न नाराले मात्र नभएर काममा पनि ध्यान दिनुपर्नेमा जोड दिएका हुन् ।
नेता सिंहले नारालाई काममा रुपान्तरण गर्न जनप्रतिनिधि र समुदायबीच सहकार्य हुनुपर्ने बताउँदै राम्रा प्रतिनिधि चयन गर्दा त्यसको प्रतिफल कस्तो हुन्छ भन्ने उदाहरण काठमाडौँमा क्षेत्र नं १ ले देखाएको जिकिर गरे । उनले सामुदायिक काम पारदर्शीरूपले गर्नुपर्ने धारणा व्यक्त गरे ।
नेता सिंह र बागमती प्रदेशका संस्कृति तथा पर्यटनमन्त्री दीपेन्द्र श्रेष्ठले उपलब्ध गराएको सांसद विकास कोषअन्तर्गतको रकमबाट उक्त सामुदायिक भवन एवं सुवर्ण पार्क निर्माण गरिएको थियो ।
