काठमाडौँ । जनता समाजवादी पार्टी (जसपा) नेपालकी नेतृ अमृता अग्रहरी नेकपा एमाले प्रवेश गरेकी छन् । आइतबार भक्तपुरको बालकोटस्थित अध्यक्ष केपी शर्मा ओलीको निवासमा आयोजित कार्यक्रममा उनी एमाले प्रवेश गरेकी हुन्।
जसपाको केन्द्रीय कार्यकारी समिति सदस्य अग्रहरी निवर्तमान प्रतिनिधिसभा सदस्य पनि हुन् । केही दिनअघि जसपाकी अर्की नेतृ रुही नाज पनि एमाले प्रवेश गरेकी थिइन्।
एमाले अध्यक्ष ओलीले जनकपुरमा आयोजित जनसभा एवं पार्टी प्रवेश कार्यक्रममा उनलाई पार्टी प्रवेश गराएका थिए।
