काठमाडौँ । नेपाल भ्रमणमा रहेका चिनियाँ कम्युनिस्ट पार्टी (सीपीसी)का विदेश विभाग प्रमुख लिउ जियान्चाओले नेकपा एमालेका अध्यक्ष केपी शर्मा ओलीसँग भेटवार्ता गरेका छन् । लिउले अध्यक्ष ओलीलाई बालकोटस्थित निवासमा पुगेर भेट गरेका हुन् । भेटमा एमाले नेताहरू राजन भट्टराई, बिष्णु रिमाल, प्रदीप ज्ञवाली लगायत नेताहरु सहभागी थिए ।
आइतबार काठमाडौं आएका लिउले प्रधानमन्त्री शेरबहादुर देउवा, माओवादी अध्यक्ष पुष्पमकल दाहाल प्रचण्ड, परराष्ट्रमन्त्री नारायण खड्कासँग भेट गरिसकेका छन् । त्यस्तै राष्ट्रपति विद्यादेवी भण्डारी, एकीकृत समाजवादीका अध्यक्ष माधवकुमार नेपाल र सोही पार्टीका सम्मानित नेता झलनाथ खनालसँगपनि भेट्ने कार्यक्रम छ ।
