राष्ट्रपति सी जिनपिङले आफ्ना अमेरिकी समकक्षी जो बाइडेनसँग फोन गर्दा ताइवानसँग चीनको सम्बन्धमा हस्तक्षेप नगर्न चेतावनी दिएका छन् । उक्त फोनवार्तामा अमेरिका र चीनबीचको व्यापार, प्रविधि वा अन्य तनाबबारे कुनै प्रगति को सङ्केत भने देखिएन ।
चीनले आफ्नो इलाकाको रूपमा दाबी गरेको ताइवानमा अमेरिकी संसदका सभामुख न्यान्सी पेलोसीको सम्भावित भ्रमणप्रति बेइजिङले चासो व्यक्त गर्दै आएको छ । बिहीबार भएको करिब तीन घण्टाको लामो फोनवार्ताबारे चीन सरकारले दिएको सारांशमा चिनियाँ राष्ट्रपति सीले विश्वका दुई ठूला अर्थव्यवस्थाहरूलाई विभाजन नगर्न अमेरिकी राष्ट्रपतिसँग आग्रह गरेको बताइएको छ ।
चिनियाँ औद्योगिक नीति र प्रविधि निर्यातमा अमेरिकी रोकले विश्व अर्थतन्त्रलाई हानि पु्¥याउन सक्ने चिनियाँ र अमेरिकी व्यापारी तथा अर्थशास्त्रीहरूले चेतावनी दिनेगरेका छन् । यसैबीच सी र बाइडेनले प्रत्यक्ष भेटघाटको सम्भावनाबारे पहल गरिरहेका आफ्नो पहिचान सार्वजनिक नगर्ने शर्तमा एक अमेरिकी अधिकारीले बताएका छन् ।
सीसँग विश्वका प्रमुख २० अर्थतन्त्रहरूको समूहको बैठकका लागि नोभेम्बरमा इण्डोनेशिया उपस्थित हुनसमेत आमन्त्रित गरिएका र त्यहाँ सी र बाइडेनबीच प्रत्यक्ष वार्ता हुने सम्भावना रहेको ती अधिकारीले बताए । तथापि, चीनको सत्तारुढ कम्युनिष्ट पार्टीले विदेशी सम्बन्ध सञ्चालन गर्ने अधिकार ताइवानलाई नभएको बताएको छ ।
तर सीले ‘बाह्य शक्तिहरूको हस्तक्षेप’ अस्वीकार गर्दै ताइवानलाई दशकौं पुरानो वास्तविक स्वतन्त्रता स्थायी बनाउन प्रोत्साहित गर्न सक्ने धारणा राख्दै आएका छन् ।
