राष्ट्रपति सी चिनफिङ र हङकङका कार्यकारी प्रमुख क्यारी लामबीच बिहीबार हङकङमा भेटवार्ता भएको छ । भेटमा राष्ट्रपति सीले मुख्य कार्यकारीको रूपमा लामको पाँच वर्षे कार्यकालमा भए गरेका कामहरूलाई केन्द्रीय अधिकारीहरूले पूर्ण रूपमा स्वीकार गरेको बताए ।
उनले केन्द्रीय सरकारको सहयोगमा प्रमुख कार्यकारीको रूपमा एक देश दुई प्रणालीको नीति र आधारभूत कानूनको दृढताका साथ पालना गरेको र पाँच वर्षयता उनको कार्यप्रति केन्द्र सरकार सन्तुष्ट रहेको बताए ।
भेटमा क्यारी ल्यामले हङकङमा महामारी अझै देखिएको बेलामा हङकङको भ्रमण गरेकोमा राष्ट्राध्यक्ष सी चिनफिङप्रति हार्दिक आभार ज्ञापन गरेकी थिइन् ।
राष्ट्राध्यक्ष सीको हङकङ निरीक्षण भ्रमण मातृभूमिलाई बलियो र समृद्धि बनाउने र उनको हङकङ निरीक्षण भ्रमण पूर्णरूपमा सफल हुने विश्वास आफूले लिएको पनि उनले बताइन् ।
सी हङकङ चीनलाई हस्तान्तरण भएको २५ औं वार्षिकोत्सवको अवसरमा आयोजित कार्यक्रममा सहभागी हुन हङकङ पुगेका हुन् । ‘लामले राष्ट्रिय सार्वभौमिकता, सुरक्षा र विकास हितको रक्षा, हङकङको समृद्धि र स्थिरता कायम गर्न, ‘हङकङको प्रशासन गर्ने देशभक्तहरू’ को सिद्धान्तलाई कार्यान्वयन गर्न र हङकङमा सुव्यवस्था कायम गर्न कठिन प्रयास र महत्वपूर्ण योगदान गर्नुभएको छ,’ सीले भने ।
बिहीबार दिउँसो नै सीले हङकङ विशेष प्रशासनिक क्षेत्रका कार्यपालिका, व्यवस्थापिका र न्यायपालिकाका प्रमुखहरू, हङकङका विभिन्न क्षेत्रका प्रतिनिधिहरू, हङकङका अनुशासित सेवकहरु, हङकङमा तैनाथ केन्द्रीय एकाइ र प्रमुख चिनियाँ अनुदान संस्थाका प्रमुखहरूसँग भेट गरेका थिए ।
