काठमाडौँ । सत्तारुढ दल नेपाली काँग्रेसको संसदीय दलको बैठक जारी छ । बानेश्वरस्थित संसद भवन ल्होत्से हलमा काँग्रेस संसदीय दलको बैठक जारी रहेको काँग्रेस सचेतक पुष्पा भुषालले जानकारी दिइन् ।
सत्ता गठबन्धनमा आबद्ध तीन दलका तर्फबाट संसद सचिवालयमा दर्ता गराइएको प्रधानन्यायाधीशविरुद्ध चाेलेन्द्र शम्शेर जबरा विरुद्धको महाअभियोग प्रस्तावपछिकाे विकसित घटना क्रमबारे बैठकमा छलफल भइरहेको छ ।
यस्तै भोलिको संसद बैठकमा एमसीसी टेबल गर्ने सरकारकाे तयारीका बीच काँग्रेसले संसदीय दलकाे बैठकमा छलफल थालेकाे छ ।
यीलगायत समसामयिक राजनीतिक विषयमा प्रधानमन्त्री एवम् काँग्रेस सभापति तथा शेरबहादुर देउवाको सभापतित्वमा बैठक जारी छ ।
