४ भदाै । गत २४ घण्टामा नेपालमा थप ३ हजार ४२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । । नयाँ बिरामी थपिएसँगै देशभर सङ्क्रमितको सङ्ख्या ७ लाख ४४ हजार ३०७ पुगेको छ ।
थप १० हजार ५३० जनाको पीसीआर परीक्षण तथा सात हजार १२४ जनाको एन्टिजेन विधिबाट कोरोना परीक्षण गरिएको थियो । पीसीआर विधिबाट दुई हजार ७९ तथा एन्टिजेनबाट ९६३ जनामा सङ्क्रमण पुष्टि भएको मन्त्रालयले जनाएको छ ।
भइ घर फर्किएका छन् । पछिल्लो २४ घण्टामा देशभर थप २ हजार २४४ सङ्क्रमित निको भएर घर फर्किएका छन् । हालसम्म ६ लाख ९३ हजार ५४३ जना कोरोना सङ्क्रमणमुक्त भएका छन् । नेपालमा सङ्क्रमणमुक्त हुने दर ९३.१ प्रतिशत रहेको छ । हाल देशभर सक्रिय सङ्क्रमितको सङ्ख्या ४० हजार ३०९ रहेको छ ।
पछिल्लो समय देशमा कोरोना भाइरसको सङ्क्रमणबाट थप २६ सङ्क्रमितको मृत्यु भएको छ । योसँगै कोरोना भाइरसको सङ्क्रमणबाट ज्यान गुमाउनेको कुल संख्या १० हजार ४५५ पुगेको मन्त्रालयले जनाएको छ ।
बितेका २४ घण्टमा देशभर एक लाख ८० हजार २८ जनाले कोरोनाविरुद्धको खोप लगाएको मन्त्रालयले जनाएको छ । हाल देशभर ७१४ सङ्क्रमितको सघनउपचार कक्षमा तथा १७१ सङ्क्रमितको भेन्टिलेटरमा उपचार भइरहेको छ ।
उपत्यकामा ८९८ काठमाडौँ उपत्यकामा पछिल्लो समय ८९४ सङ्क्रमित थपिएका छन् । काठमाडौँमा ६०४, ललितपुरमा १८७ तथा भक्तपुरमा १०७ जनामा सङ्क्रमण पुष्टि भएको मन्त्रालयले जनाएको छ । काठमाडौँमा हाल सक्रिय सङ्क्रमितको सङ्ख्या ७ हजार ८६७, भक्तपुरमा एक हजार ४७४ तथा ललितपुरमा २ हजार २९० रहेको छ ।
