२४ असार । पछिल्लाे २४ घण्टामा नेपालमा थप १ हजार ८७५ जनामा काेराेना सङ्क्रमण पुष्टी भएकाे स्वास्थ्य तथा जनसंख्या मन्त्रालयले जनाएकाे छ । मन्त्रालयका अनुसार कुल १० हजार ५०४ जनामा परीक्षण गर्दा साे संख्यामा काेराेना सङ्क्रमण देखिएकाे हाे ।
गत २४ घण्टामा थप १ हजार २८६ जना काेराेना सङ्क्रमणमुक्त भएकाे मन्त्रालयले जनाएकाे छ । याे संगै हालसम्म सङ्क्रमणमुक्त हुनेकाे कुल संख्या ६१५६१३ पुगेकाे छ । नेपालमा सङ्क्रमणमुक्त हुनेकाे दर ९४.५ प्रतिशत रहेकाे छ ।
यस्तै पछिल्लाे २४ घण्टामा काेराेना सङ्क्रमणका कारण २९ जनाले ज्यान गुमाएका छन्। याे संगै नेपालमा काेराेना सङ्क्रमणका कारण मृत्यु हुनेकाे कुल संख्या ९ हजार ३२० पुगेकाे छ ।
