काठमाडौँ । अमेरिकाबाट अवैधानिक बाटो हुँदै करोडौं रकम भित्राउने खोज्ने पृथ्वीबहादुर शाहलाई प्रहरीले पक्राउ गरेको छ ।
नेपाल प्रहरीको केन्द्रीय अनुसन्धान ब्यूरो (सीआईबी) को टोलीले शाहलाई शुक्रबार काठमाडौंबाट पक्राउ गरेको हो । सीआईबीका प्रवक्ता कमल थापाले शाहलगायत ६ जनालाई पक्राउ गरेको जानकारी दिए ।
पक्राउ पर्नेमा शाहसँगै उनका भाइ विजयविक्रम शाह, चक्रबहादुर खत्री, अनुप खड्का, रुक्माङ्गत काफ्ले र रंगबहादुर साउद छन् ।
ठगीसम्बन्धी कसुरमा उनीहरुलई पक्राउ गरिएको उनले बताए । शाहले स्विफ्टमार्फत ४६ लाख ४६ लाख ७३७ अमेरिकी डलर, १२ हजार ८२५ पाउन्ड, नेपाली रुपैयाँ ३ करोड २२ लाख २८ हजार ६८० गैरकानुनी रुपमा ठगी गरि ल्याएको अनुसन्धानबाट खुलेको छ ।
शाह अमेरिकाबाट अवैध च्यानल हुँदै आएको करोडौं रकम फुक्का गरिदिने केसमा तत्कालीन अर्थमन्त्री जनार्दन शर्मा पनि विवादमा जोडिएका थिए।
