काठमाडौं । बिहीबारदेखि चीन भ्रमणमा रहेकी परराष्ट्रमन्त्री डा. आरजु राणा र चिनियाँ विदेशमन्त्री वाङ यीबीच भेटवार्ता भएको छ । शुक्रबार उनीहरुबीच चीनको छेङ्दुमा भेटवार्ता भएको परराष्ट्रमन्त्रालयले जनाएको छ ।
भेटमा नेपाल र चीन दुवैतर्फका विदेश मन्त्रालयस्तरीय अधिकारीहरु पनि सहभागी थिए । प्रधानमन्त्री केपी शर्मा ओलीको आसन्न चीन भ्रमणको तयारीका लागि राणा चीन गएकी हुन् ।
परराष्ट्रमन्त्री राणा शनिबार स्वदेश फर्कने कार्यक्रम छ । प्रधानमन्त्री ओली आगामी सोमबार ८७ सदस्यीय टोलीको नेतृत्व गर्दै चीनको औपचारिक भ्रमणमा जाँदैछन् ।
