छत्तिसगढ । माओवादी प्रभावित छत्तिसगढको बस्तरमा भएको सुरक्षा बलसँगको भिडन्तमा १२ सन्दिग्ध माओवादी मारिएको दाबी गरिएको छ । प्रहरीले मृतकको सङ्ख्या बढ्न सक्ने बताएको छ ।
शुक्रबार बिहानै गंगालुरको पेडिया जंगलमा माओवादी भएको खबर पाएपछि सेनाको टोली अपरेसनका लागि गएको प्रहरी अधिकारीले बताए । बिहान सन्दिग्ध माओवादीहरूसँग भिडन्त सुरु हुँदा बिजापुरबाहेक दन्तेवाडा र सुकमा जिल्लाबाट पनि ठुलो सङ्ख्यामा जिल्ला रिजर्भ गार्ड र कोबरा बटालियनका जवानहरू पठाइएको थियो।
साँझसम्म मुठभेड स्थलबाट १२ माओवादीको शव फेला परेको छ । घटनास्थलबाट ठुलो सङ्ख्यामा हतियार पनि बरामद भएको छ । अहिले खोजी कार्य जारी रहेको प्रहरीले जनाएको छ ।
