काठमाडौं । राष्ट्रिय प्रजातन्त्र पार्टी (राप्रपा) सुदूरपश्चिम प्रदेश सहसंयोजकको जिम्मेवारी प्रवक्ता ज्ञानेन्द्र शाहीले पाएका छन् ।
अध्यक्ष राजेन्द्र लिङ्देनले पार्टीको विधानअनुसार उनलाई सो पदको जिम्मेवारी दिएका हुन् । शाही पार्टीका प्रमुख सचेतकको जिम्मेवारीमा समेत रहेका छन् ।
त्यसैगरी अध्यक्ष लिङ्देनले कर्णाली प्रदेशको सहसंयोजकमा पार्टीका सहमहामन्त्री धनबहादुर बुढालाई नियुक्त गरेका छन् । पार्टीका गतिविधिलाई जनस्तरमा पुर्याएर संगठनलाई सुदृढीकरण गर्न शाही र बुढालाई नयाँ जिम्मेवारी प्रदान गरिएको पार्टीले जनाएको छ ।
यसअघि पार्टीले सातवटै प्रदेशमा पार्टीका वरिष्ठ उपाध्यक्ष र उपाध्यक्षहरूलाई प्रदेश संयोजकको जिम्मेवारी प्रदान गरेको राप्रपाका नेता मोहन श्रेष्ठले जानकारी दिए ।
