काठमाडौँ । रामेछापको गोकुलगंगा गाउँपालिका वडा नम्बर–६ स्थित सिम्लेभिरमा गाडी दुर्घटनामा ज्यान गुमाएका ४ जनाको सनाखत भएको छ । मृत्यु हुनेमा गोकुलगंगा गाउँपालिका वडा नम्बर–४ का अध्यक्ष रामचन्द्र बस्नेत, रामेछाप घर भएका कविता कार्की खड्का, स्वस्तिका खड्का र चालक ३५ वर्षका हिरा बहादुर कार्की छन् ।
कविता र स्वस्तिका आमा छोरी हुन् । काठमाडौँबाट रस्नालु तर्फ जाँदै गरेको ना.१ ज ७१२३ नम्बरको फोर्स जिप दुर्घटनामा परेर मृत्यु हुने एकजना महिलाको पहिचान खुल्न बाँकी रहेको राजमार्ग सुरक्षा तथा ट्राफिक व्यवस्थापन कार्यालय चितवनका एसपी नरेश सुवेदीले बताए ।
दुर्घटनामा परेर सरस्वती कार्की र कास्की घर भएका केशव शर्मासहित ३ जना घाइते भएका छन् । घाइतेहरूलाई उपचारको लागि रामेछाप सदरमुकमा मन्थलीमा लगिएको छ ।
