संयुक्त राज्य अमेरिकाको टेनिसीमा टोर्नेडो अर्थात् जमिनमा विकसित हुने सोली आकारमा भुमरी परेको शक्तिशाली हावाहुरीमा परेका चार महिनाका शिशु जीवितै फेला परेका छन् ।
उनीहरूको घुम्ती घरलाई शनिबारको खतरनाक आँधीले ध्वस्त बनाएको थियो भने बच्चा रहेको कोक्रो उडाएर लगेको थियो । ती चार महिनाका शिशु लडिरहेको एउटा रुखमा जीवितै फेला परेका थिए।
त्यसबेला झमझम पानी परिरहेको थियो । ती शिशु, उनका एक वर्षका दाजु र परिवारका सदस्यहरूलाई साधारण चोटपटक लागेको छ । आँधीले सबैभन्दा सुरुमा उनीहरूको घुम्ती घरको छानो उडाएको २२ वर्षिया आमा सिड्नी मुरले बताइन् ।
उनका प्रेमी र बच्चाका पिताले लर्ड नामक ती शिशुलाई जोगाउने प्रयास गरेका थिए तर उनीहरू पनि आँधीमा फस्न पुगे । टोर्नेडो रोकिएपछि मुर भग्नावशेषबाट निस्कन सकेकी थिइन्।
उनका छोरा प्रिन्सटन उनीसँगै थिए। त्यसपछि उनी र उनका प्रेमीले लर्डको खोजी गर्न थाले । त्यो बेला पानी परिरहेको थियो र उनीहरूले आफ्नो सन्तान ‘सानो रुख जस्तै देखिने कोक्रो’ मा फेला परेको मुर बताउँछिन्।
