काठमाडौँ । नयाँ सिजनको प्रिमियर लिगमा आर्सनलले विजयी शुरुवात गरेको छ ।
शनिबार सम्पन्न खेलमा आर्सनलले नोट्टीङघम फोरेस्टलाई २-१ गोल अन्तरले पराजित गर्दै सिजनमा विजयी शुरुवात गरेको हो ।
आर्सनलको जितमा एडडी एनकेटिह र बुकायो साकाले एक एक गोल गरेका थिए । नोट्टीङघमका लागि खेलको ८२औं मिनेटमा टाइवो अवोनियीले गोल फर्काए पनि जितका लागि पर्याप्त भएन ।
यो जितपछि आर्सनलले सिजनको सुखद शुरुवात गर्दै महत्वपूर्ण ३ अंक बटुलेको छ भने नोट्टीङघमको शुरुवात भने हारबाट भएको छ । आर्सनलले अब अर्को खेल अगस्त २२ मा क्रिस्टल प्यालेसविरुद्ध हुने छ ।
