काठमाडौं । नेकपा माओवादी केन्द्रले सोमबारसम्ममा मन्त्रिपरिषदलाई पूर्णता दिने निर्णय गरेको छ ।
शनिबार बसेको पदाधिकारी बैठकले सोमबारसम्म मन्त्रिपरिषदलाई विस्तार गरी सरकारका कामहरुलाई तीव्रता दिने निर्णय गरेको हो ।
बैठकमा संसदलाई गतिशील र प्रभावकारी ढंगले अघि बढाउने विषयमा पनि सत्तारुढ दलहरुबीच छलफल गर्ने विषयमा छलफल भएको सचिव देवेन्द्र पौडेलले जानकारी दिए ।
त्यसैगरी संघीय सरकारको नीति तथा कार्यक्रमसँग जोडेर प्रदेश सरकारलाई पनि गतिशील बनाउनुपर्नेमा नेताहरुले जोड दिएका थिए ।
बैठकमा नेताहरुले पार्टी र सरकारका कामकारबाहीलाई जोडेर अघि बढाउने विषयमा पनि प्रधानमन्त्री पुष्पकमल दाहाल प्रचण्डको ध्यानाकर्षण गराएका थिए ।
