एजेन्सी । पेरिस सेन्ट जर्मेन (पिएसजी) का ब्राजिली फरवार्ड नेयमार गम्भिर घाइते भएका छन । फ्रेन्च लिग वान अन्तर्गत आइतबार राति लिलमाथि ४–३ को रोमाञ्चक जित निकालेको खेलमा उनी घाइते भएका हुन् ।
पीएसजीले विज्ञप्ति जारी गर्दै घुँडाको चोटका कारण नेयमार एक महिना खेल बाहिर रहनु पर्ने जानकारी दिएकाे छ । ‘उनको एमआरआई स्क्यानमा कुनै फ्याक्चर भएको देखिएको छैन तर उनको लिगामेन्टको थप परिक्षण भइरहेको छ,’ विज्ञप्तिमा भनिएको छ ।
एमआरई परिक्षणपछि उनी कम्तीमा पनि एक महिना मैदान बाहिर रहनु पर्ने भएको क्लबले जनाएको छ । बेन्जामिन आन्द्रेले गरेको ट्याकलमा ब्राजिलियन स्टार नेयमार घाइते भएका थिए ।
लिलको मिडफिल्डरले नेयमारलाई फउल गरेपछि मैदानमा लड्न पुगेका गिए । त्यसपछि उनलाई स्ट्रेचरबाट मैदान बाहिर लगिएको थियो । यो पिएसजीको लागि ठुलो झट्काको रुपमा हेरिएको छ ।
